فلاح القرقـاح
سلامي سلام يتـوق لـه كـل مطنـوخ
بيوت الشـرف والعـز يبنـى عمدهـا
ياصياف انا في البحر لا اغرق ولا ادوخ
اوقـف لبـوهـا واتـحـدى ولـدهـا
صياف الحربي
عسى الله يبارك فيك ياشيخ شمروخ
وتسلم هذا الايـام واللـي بعدهـا
تهجم عليّ ولحيتك تقـل صـاروخ
ولا عاد نعرف شرها من سعدهـا
فلاح القرقـاح
ترى الي من الاخلاق والدين مصلوخ
ليا جا الصحيح يروح من عند يدهـا
اخبرك تبيع الهيل ما تجلب الخـوخ
ولا تنقبـل حجـه ضعيـفٍ سندهـا
صياف الحربي
عسى طير شلوى عقب عصفور وفروخ
فقـد وحـده والثانيـة مــا فقـدهـا
ترى جالب الجوخ على راعي الجـوخ
يبـا يرمـي الجـوخ وتقعـد وحدهـا
فلاح القرقـاح
كفيل الزمان يهدمه العش والكوخ
واظن الليالي البيض هذا وعدها
ياعود ابيتلشتوا بين شبان وشيوخ
والاخرى تجيك اشد وامر وادها
صياف الحربي
كثير العرب نفاخ والراس منفوخ
ولا قلت له عينك صغيره جحدها
نبا نفتح البيبان وابليس ملمـوخ
اظن السحابة ما يزلزل رعدهـا
فلاح القرقـاح
بعدل وعدل والوعـد ليتـه فتـوخ
وعين صغيره جعل يكثـر رمدهـا
جب اللي تجيب العِلم مطبوع منسوخ
ما لاهل البلـد فيـه تفـارق بلدهـا
صياف الحربي
عطيناك يا بو زيد مندي ومطبوخ
وتبغى عصيده في القدر تعصدهـا
عيونك لها نظرات والعظم مشروخ
ولا سفيتها بالارض قمت تهبدهـا
فلاح القرقاح وصياف الحربي الله يرحمه
العرض العادي
